ក្រុម AC Milan បានបញ្ចប់កំណត់ត្រាលេងមិនចាញ់សោះរបស់ក្រុមការពារតំណែងជើងឯក Serie A ពពកស Napoli ក្នុងជ័យជម្នះ ២ទល់នឹង១ និងជាការបរាជ័យលើកដំបូងរបស់ Napoli ផងដែរ។
២គ្រាប់របស់ក្រុម AC Milan យប់មិញរកបានដោយកីឡាករ Saelemaekers ពេលចាប់ផ្តើមលេងបានតែ ៣នាទី និងប្រធានក្រុមជម្រើសជាតិអាមេរិក Christian Pulisic រកបាន ១គ្រាប់នៅនាទី៣១ ខណៈ១គ្រាប់របស់ Napoli រកបានដោយសមាជិកថ្មី Kevin De Bruyne ដោយបាល់ប៉េណាល់ទី ពីការបង្កកំហុសរបស់ Estupinan និងបានទទួលកាតក្រហមក្នុងនាទី៥៧។
តាមរយៈ ៣ពិន្ទុក្នុងដីនេះដែរ បានញាំងឱ្យក្រុមរបស់លោក Massimiliano Allegri ឡើងទៅឈរទីកំពូលតារាង Serie A ជាបណ្តោះអាសន្នវិញត្រឹមសប្តាហ៍ទី៥ ជើងទី១ ដោយមាន ១២ពិន្ទុស្មើគ្នាជាមួយក្រុមលេខ២ Napoli របស់លោក Antonio Conte ដោយសារឈ្នះគ្រាប់បាល់ចំណេញ៕
