ប្រទេសវៀតណាម បានប្រកាសពីការដោះលែងអ្នកទោសជិត ១៤,០០០ នាក់ រួមទាំងជនបរទេស នៅមុនការប្រារព្ធទិវាបុណ្យជាតិ សម្រាប់អ្នកជាប់ឃុំរយៈពេលមួយឆ្នាំ។
ប្រទេសកុម្មុយនិស្តមួយនេះ តែងតែប្រកាសដោះលែងអ្នកទោសមុនពិធីបុណ្យជាតិសំខាន់ៗ ខណៈកាលពីខែមេសា ដោះលែងអ្នកទោសជាង ៨,០០០ នាក់ នៅមុនខួបលើកទី ៥០ នៃការដួលរលំនៃទីក្រុង Saigon ។
លោក Can Dinh Tai ការិយាល័យប្រធានាធិបតី បាននិយាយ នៅក្នុងសន្និសីទសារព័ត៌មានមួយថា ចាប់ពីថ្ងៃទី ១ ខែកញ្ញា អាជ្ញាធរវៀតណាម នឹងមានការលើកលែងទោសអ្នកទោសចំនួន ១៣,៩១៥ នាក់ ដែលកំពុងជាប់ឃុំ។
គួរបញ្ជាក់ថា អ្នកជាប់ឃុំដែលនឹងត្រូវដោះលែងនោះរួមមានជនបរទេសចំនួន ៦៦នាក់ ដែលមាន ១៨ សញ្ជាតិផ្សេងគ្នា រួមមានជនជាតិចិន កូរ៉េខាងត្បូង សហរដ្ឋអាមេរិក និងអូស្ត្រាលី៕
ដោយ៖ ពេជ្រ
