អ្នកនាំពាក្យរាជរដ្ឋាភិបាល លោក ប៉ែន បូណា បានថ្លែងថា “ យើងមានកិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) ចំនួន ០៤ រួចមកហើយដែលមានលទ្ធផលល្អប្រសើរ ហើយបានបង្ហាញពីការប្តេជ្ញាចិត្តរបស់ភាគីទាំងពីរ ក្នុងការជជែកគ្នា និងដោះស្រាយបញ្ហា ដើម្បីបន្ធូរបន្ថយភាពតានតឹង និងបញ្ចៀសការផ្ទុះអាវុធជាថ្មី។
បន្ថែមពីលើនេះ ថ្នាក់ដឹកនាំកម្ពុជា ថៃ និងម៉ាឡេស៊ី តែងតែទំនាក់ទំនងគ្នាជាបន្តបន្ទាប់ ដើម្បីជជែកដោះស្រាយបញ្ហានានា ក្នុងន័យបញ្ចៀសភាពតានតឹង ដើម្បីរក្សាបទឈប់បាញ់ឱ្យមានស្ថិតនៅជាធរមាន។
ទាំងនេះ បង្ហាញពីការខិតខំរបស់ភាគីទាំងពីរ ដែលផ្តល់តម្លៃដល់បទឈប់បាញ់ និងការអត់ធ្មត់របស់គ្រប់ភាគីទាំងអស់ ជាពិសេសការអត់ធ្មត់របស់ថ្នាក់ដឹកនាំយើងដែលតែងតែចាត់ទុកសន្តិភាព និងសេចក្ដីសុខរបស់ប្រជាពលរដ្ឋជាអាទិភាពចម្បងបំផុត”៕
