Real Madrid បានច្រានចោលយ៉ាងដាច់អហង្ការចំពោះផែនការប្រកួត La Liga របស់ Villarreal ជាមួយក្រុម Barcelona នៅសហរដ្ឋអាមេរិក ដោយនិយាយថាវា “បង្កើតគំរូដែលមិនអាចទទួលយកបាន” ។
ការប្រកួតនេះគ្រោងធ្វើឡើងនៅថ្ងៃទី ២១ ខែធ្នូនៅឯកីឡដ្ឋាន Estadio de la Ceramica របស់ Villarreal ប៉ុន្តែសហព័ន្ធបាល់ទាត់អេស្ប៉ាញ (RFEF) បានអនុម័តសំណើកាលពីថ្ងៃចន្ទដើម្បីធ្វើជាម្ចាស់ផ្ទះការប្រកួតនៅអាមេរិក។
ឥឡូវនេះ RFEF នឹងស្វែងរកការអនុញ្ញាតពី FIFA និង Uefa ដើម្បីផ្លាស់ទីតាំងការប្រកួតទៅកាន់កីឡដ្ឋាន Hard Rock ដែលស្ថិតក្នុងទីក្រុង Miami ជាទីដែលរៀបចំព្រឹត្តិការណ៍ World Cup 2026 ចំនួន ៧ប្រកួតផងនោះ។
RFEF បាននិយាយយោងតាមស្មារតីនៅក្នុងកិច្ចប្រជុំនាថ្ងៃទី១១ ខែសីហា ឆ្នាំ២០២៥ ក្រុមប្រឹក្សាបានទទួលសំណើពីក្លិប Villarreal CF និង FC Barcelona ក្នុងប្រកួតទី១៧ របស់ពួកគេក្នុងលីគ យកទៅប្រកួតនៅទឹកដីអាមេរិកជំនួសប្រទេសអេស្ប៉ាញវិញ ស្របពេលសហព័ន្ធក៏បានកំពុងរៀបចំដាក់សំណើទៅ FIFA ដើម្បីបានប្រកួតនៅថ្ងៃទី២០ ខែធ្នូចុងឆ្នាំដែរ»។
ប៉ុន្តែជុំវិញបញ្ហានេះ Real Madrid បានសម្តែងការបដិសេធយ៉ាងខ្លាំងបំផុតចំពោះសំណើដើម្បីលេងការប្រកួតនៅក្រៅប្រទេសអេស្ប៉ាញ។ នៅក្នុងសេចក្តីថ្លែងការណ៍មួយរបស់ ក្លឹបបាននិយាយថា “ប្រសិនបើសំណើនេះត្រូវបានអនុវត្ត ផលវិបាករបស់វានឹងមានសភាពធ្ងន់ធ្ងរដែលពួកគេនឹងមាន មុន និងក្រោយសម្រាប់ពិភពបាល់ទាត់”៕
