យោងតាមសារព័ត៌មានក្នុងស្រុក បានឱ្យដឹងថា បុរសជនសង្ស័យជាជនជាតិថៃម្នាក់ ត្រូវបានចាប់ខ្លួន បន្ទាប់ពីប្រើភ្លើងដុតភ្ញៀវទេសចរជនជាតិម៉ាឡេស៊ី ២ នាក់ នៅកណ្តាលទីក្រុងបាងកក កាលពីយប់ថ្ងៃព្រហស្បតិ៍។
ជនរងគ្រោះជាជនជាតិម៉ាឡេស៊ី ២ នាក់ ដែលត្រូវបានគេកំណត់អត្តសញ្ញាណថាមានឈ្មោះ Ong Yik Leong អាយុ ២៦ ឆ្នាំ និងម្នាក់ទៀតឈ្មោះ Gan Xiao Zhen អាយុ ២៧ ឆ្នាំ ត្រូវជាគូរស្នេហ៍ ដែលកំពុងអង្គុយលេងនៅផ្សារទំនើបមួយកន្លែងក្នុងរដ្ឋធានីបាងកក ក៏ត្រូវជនសង្ស័យ ធ្វើសកម្មភាពតែម្ដង។
ជនសង្ស័យមានឈ្មោះ Varakorn Pubthaisong អាយុ ៣០ឆ្នាំ ។
យោងតាម លោក Bong Yik Jui ភារធារីទទួលបន្ទុកកិច្ចការបណ្តោះអាសន្ននៃស្ថានទូតម៉ាឡេស៊ីប្រចាំប្រទេសថៃ បានរាយការណ៍ថា បច្ចុប្បន្ន ជនរងគ្រោះទាំង ២ កំពុងស្ថិតក្នុងស្ថានភាពរបួសធ្ងន់ធ្ងរ ។
លោក Yingyos Suwanno មេប៉ូលិសក្នុងតំបន់ បានបញ្ជាក់ថា ជនសង្ស័យមានវិបរ្តិផ្លូវចិត្ត ដោយសារអត់ការងារធ្វើ ខណៈក៏ធ្លាប់ជាអតីតអ្នកប្រដាល់ផងដែរ៕
ដោយ៖ ពេជ្រ
