ក្លិបបិសាចក្រហម Manchester United បានឈានដល់ការចុះកិច្ចព្រមព្រៀងផ្លូវការ ទិញខ្សែប្រយុទ្ធជួរមុខ Bryan Mbeumo ពី Brentford ក្នុងតម្លៃ ៧២លានផោន។
កីឡាករអន្តរជាតិកាមេរូនរូបនេះ បានក្លាយជាសមាជិកថ្មីទី៣ ផងដែរនៃក្រុមរបស់លោក Ruben Amorim ក្នុងទីផ្សារដោះដូរកីឡាករនាខែកក្កដា ឆ្នាំ២០២៥ នេះ ក្រោយការមកដល់របស់ខ្សែប្រយុទ្ធ Matheus Cunha និងខ្សែការពារស្លាបឆ្វេង Diego Leon នៅកីឡដ្ឋាន Old Trafford។ កីឡាករវ័យ ២៥ឆ្នាំរូបនេះ នឹងត្រូវពាក់លេខ១៩ ផងដែរ ក្នុងក្លិបថ្មីប្រចាំទីក្រុង Manchester៕
