ទីប្រឹក្សារដ្ឋាភិបាលហុងគ្រី លោក Balazs Orban បាននិយាយថា សហភាពអឺរ៉ុប កំពុងដាក់គោលដៅជំរុញវិស័យយោធាសម្រាប់អ៊ុយក្រែន ដោយចោទមេដឹកនាំប្លុកថា ព្យាយាមទាញយកផលចំណេញពីសង្គ្រាម។
លោក បានលើកឡើងថា មេដឹកនាំនៃបណ្តាប្រទេសសហភាពអឺរ៉ុប កំពុងពិចារណាលើការបង្កើតមូលនិធិថ្មីចំនួន ១០០ ពាន់លានអឺរ៉ូ (១១៧ ពាន់លានដុល្លារ) ក្រោមថវិការយៈពេល ៧ ឆ្នាំនាពេលខាងមុខរបស់ប្លុក ដើម្បីចំណាយសម្រាប់រដ្ឋាភិបាលអ៊ុយក្រែន។
ហុងគ្រី គឺជាប្រទេសដែលរិះគន់យ៉ាងខ្លាំងចំពោះគោលនយោបាយរបស់ប្លុកនេះ ចំពោះជម្លោះរុស្ស៊ី និងអ៊ុយក្រែន ចាប់តាំងចាប់ផ្ដើមរហូតមក។
លោក Orban បានអះអាងថា នៅពេលមានសង្គ្រាមណាមួយ អឺរ៉ុប តែងតែខិតខំធ្វើយ៉ាងណាទាញយកប្រយោជន៍ សម្រាប់ខ្លួនឯង តាមរយៈការចំណាយ និងផ្គត់ផ្គង់សព្វាវុធផ្សេងៗ។
គួរបញ្ជាក់ថា ហុងគ្រី គឺជាប្រទេសដែលមិនពេញចិត្តនឹងការជ្រៀតចូលសង្គ្រាមរវាងរុស្ស៊ី និងអ៊ុយក្រែន របស់ប្លុក EU ដែលថាគ្មានប្រយោជន៍ និងពង្រីកស្ថានការណ៍កាន់តែធំទៅៗ នាំឲ្យមានហានិភ័យឥតឈប់ឈរ៕
ដោយ៖ ពេជ្រ
