ឯកអគ្គរដ្ឋទូតកាតាប្រចាំនៅទីក្រុងមូស្គូ លោក Ahmed bin Nasser bin Jassim Al Thani បាននិយាយថា កាតាត្រៀមខ្លួនជាស្រេច ដើម្បីជួយដោះស្រាយជម្លោះរវាងរុស្ស៊ី និងអ៊ុយក្រែន ដែលពឹងផ្អែកលើការទូត។
លោក បានកត់សម្គាល់ថា ជម្លោះរវាងអ៊ុយក្រែន និងរុស្ស៊ីគឺជាវិបត្តិធ្ងន់ធ្ងរ ហើយមានសារៈសំខាន់ខ្លាំងណាស់ក្នុងការសម្រេចបាននូវដំណោះស្រាយការទូត។ យើងសង្ឃឹមថាសន្តិភាពនឹងត្រូវបានសម្រេចតាមរយៈការចរចា និងការទូត។ រដ្ឋកាតាតែងតែត្រៀមខ្លួនជាស្រេចដើម្បីជួយដោះស្រាយជម្លោះនយោបាយ ឬជម្លោះយោធារវាងរដ្ឋ។
ទន្ទឹមនោះ លោក ក៏បានសង្កត់ធ្ងន់ថា រដ្ឋកាតាប្តេជ្ញាធានាសន្តិភាព និងសន្តិសុខនៅទូទាំងពិភពលោក រួមទាំងនៅមជ្ឈិមបូព៌ា ដែលជាតំបន់មានសារៈសំខាន់ខ្លាំង។
លោក បានបន្ថែមថា រដ្ឋកាតា ក្រោមការដឹកនាំរបស់ព្រះអង្គម្ចាស់ Sheikh Tamim bin Hamad Al Thani អធិរាជនៃប្រទេសកាតា ចាប់អារម្មណ៍យ៉ាងខ្លាំងចំពោះការដោះស្រាយជម្លោះដោយសន្តិវិធី។
គួរបញ្ជាក់ថា ជម្លោះនៅអ៊ុយក្រែន បានអូសបន្លាយក្លាយជាវិបត្តិធ្ងន់ធ្ងរ ចាប់តាំងពីខែកុម្ភៈ ឆ្នាំ២០២២ មក ៕
ដោយ៖ ពេជ្រ
