អាជ្ញាធរអ៊ីរ៉ង់ បាននិយាយថា ខ្លួននឹងមិនបន្តការពិភាក្សាអំពីកម្មវិធីនុយក្លេអ៊ែរជុំថ្មីណាមួយនោះទេ ខណពេលដែលកំពុងរងការវាយប្រហារបែបនេះ ។
ការលើកឡើងខាងលើ ប៉ុន្មានម៉ោងបន្ទាប់ពីរដ្ឋមន្ត្រីការពារជាតិអ៊ីស្រាអែល បានព្រមានអំពីជម្លោះ “អូសបន្លាយ” ជាមួយសាធារណរដ្ឋអ៊ីស្លាមមួយនេះ។
ការប្រយុទ្ធគ្នា បានកើតឡើង កាលពីថ្ងៃសុក្រ សប្ដាហ៍មុន ដោយភាគីទាំង ២ បាញ់សងសឹកគ្នាទៅវិញទៅមកឥតឈប់ឈរ និងអះអាងគ្រប់គ្រងដែនអាកាសគ្នាទៅវិញទៅមក។
រដ្ឋមន្ត្រីការបរទេសអ៊ីស្រាអែល លោក Eyal Zamir បាននិយាយ នៅក្នុងសុន្ទរកថាវីដេអូថា ប្រទេសលោក គួរតែត្រៀមខ្លួនសម្រាប់ “យុទ្ធនាការអូសបន្លាយ” និងព្រមានអ៊ីរ៉ង់ ពីភាពលំបាកនៅពេលខាងមុខ។
ដោយឡែក សមភាគីអ៊ីរ៉ង់ លោក Abbas Araghchi បានជួបជាមួយអ្នកការទូតអឺរ៉ុបនៅទីក្រុងហ្សឺណែវ ដែលមានការជំរុញឱ្យលោក ស្តារកិច្ចខិតខំប្រឹងប្រែងការទូតជាមួយសហរដ្ឋអាមេរិក ជុំវិញកម្មវិធីនុយក្លេអ៊ែររបស់ប្រទេសលោក។
គួរបញ្ជាក់ថា លោក ដូណាល់ ត្រាំ បានប្រកាសទុកពេលឲ្យអ៊ីរ៉ង់ ២ សប្ដាហ៍ ដើម្បីត្រៀមចរចា ជុំវិញកម្មវិធីនុយក្លេអ៊ែររបស់ខ្លួន ហើយថាក្នុងកាលៈទេសៈណាមួយនោះ អាមេរិក នឹងចូលជួយអ៊ីស្រាអែល ប្រឆាំងនឹងក្រុងតេហេរ៉ង់ ៕
ដោយ៖ ពេជ្រ
