លោក Kim Seon-ho អនុរដ្ឋមន្ត្រីការពារជាតិកូរ៉េខាងត្បូង បាននិយាយថា លោក ប្រឆាំងទៅនឹងច្បាប់អាជ្ញាសឹក និងមានការសោកស្តាយ និងឈឺចាប់ជាខ្លាំង ចំពោះអ្វីដែលកើតឡើងនេះ។
អនុរដ្ឋមន្ត្រីរូបនេះ អះអាងថា ក្នុងនាមជាអនុរដ្ឋមន្ត្រីការពារជាតិ ខ្ញុំមិនបានដឹងមុនអំពីច្បាប់អាជ្ញាសឹកនោះទេ។ ខ្ញុំមិនអាចធ្វើអ្វី ឬរារាំងវាបានទេ ប៉ុន្តែខ្ញុំនឹងទទួលខុសត្រូវ។
លោក បានថ្លែងក្នុងបទសម្ភាសន៍ខ្លីមួយដល់សមាជិកសភានៅក្នុងសវនាការថា មានការដាក់ពង្រាយកម្លាំងពិសេស ទន្ទឹមនឹងការដាក់ចេញច្បាប់នេះ ទាំងដែលមិនមានការកោះហៅការប្រជុំ។
គួរបញ្ជាក់ថា បច្ចុប្បន្ន លោក Kim ជារដ្ឋមន្ត្រីការពារជាតិស្តីទី បន្ទាប់ពីលោក Kim Yong-hyun រដ្ឋមន្ត្រីក្រសួងការពារជាតិលាលែងពីតំណែង កាលពីព្រឹកមិញ ៕
ដោយ៖ ពេជ្រ
