ខ្សែប្រយុទ្ធវ័យ១៧ឆ្នាំ Lamine Yamal ត្រូវបានបោះឆ្នោតជាប់ជាកីឡាករវ័យក្រោម ២១ឆ្នាំលេងល្អផ្តាច់គេ ប្រចាំឆ្នាំ២០២៤ ។
ពានរង្វាន់ឯកត្តជននេះត្រូវបានរៀបចំឡើងដោយកាសែតអ៉ីតាលី Tuttosport ដែលត្រូវបានផ្តល់ជូនតែកីឡាករផ្នែកបុរសនៅតំបន់អឺរ៉ុប (UEFA) វ័យក្រោម ២១ឆ្នាំ ឆ្លងតាមការបោះឆ្នោតពីក្រុមអ្នកសារព័ត៌មានកីឡាប៉ុណ្ណោះជារៀងរាល់ឆ្នាំ។
ជាលទ្ធផល Yamal ត្រូវបានបោះឆ្នោតជាកំពូលកីឡាករវ័យក្មេងលេងល្អក្នុងឆ្នាំនេះ បន្ទាប់ពីបង្ហាញខ្លួនក្នុងជម្រើសដំបូងក្នុងក្លិបជាប់លាប់នារដូវកាលមុន មុនពេលជួយជម្រើសជាតិអេស្ប៉ាញឈ្នះជើងឯកអឺរ៉ុប Euro 2024 នៅប្រទេសអាល្លឺម៉ង់៕
