ក្រុមអ្នកគាំទ្រ Crystal Palace បានធ្វើការតវ៉ាប្រឆាំងនឹងការសម្រេចចិត្តរបស់ UEFA ក្នុងការទម្លាក់ក្លឹបឲ្យលេងទៅ Conference League កាលពីពេលថ្មីៗនេះ ។
កាលពីថ្ងៃអង្គារ អ្នកគាំទ្ររាប់រយនាក់បានដើរដង្ហែទៅកាន់ទីលាន Selhurst Park របស់ Crystal ដោយបានកាន់បដា និងស្រែកប្រឆាំងនឹងស្ថាប័នគ្រប់គ្រងបាល់ទាត់អឺរ៉ុបមួយនេះ។
ឥន្រ្ទីន៍ខៀវ ដែលមានលក្ខណៈគ្រប់គ្រាន់សម្រាប់ Europa League ដោយការឈ្នះពានរង្វាន់ FA Cup ក្នុងខែឧសភា ដែលជាពានរង្វាន់ធំដំបូងរបស់ពួកគេ ប៉ុន្តែត្រូវបានទម្លាក់ទៅពានលំដាប់ទី៣ ដែលគ្របគ្រង់ Uefa បន្ទាប់ពីចោទពីបទបំពានច្បាប់កម្មសិទ្ធិពហុក្លឹប។
ក្រុមអ្នកគាំទ្របាននិយាយនៅឯការដង្ហែក្បួនថា “នៅចុងបញ្ចប់នៃថ្ងៃនោះ វាជារឿងអយុត្តិធម៌មួយ ដោយសារកំហុសអ្នកគ្រប់គ្រងពីរបី។ យើងមានលក្ខណៈសម្បត្តិគ្រប់គ្រាន់សម្រាប់ Europa League ” ។ “យើងបានឈ្នះពាន – វាគួរតែជាយើងចូលទៅក្នុងការប្រកួតនោះដោយមិនមានសំណួរណាមួយអំពីវា។ “អ្នកកំពុងដាក់ពិន័យក្លឹបទាំងមូល និងអ្នកគាំទ្រ។ ហេតុអ្វីបានជាអ្នកធ្វើដូច្នេះ?”។
ជាការពិតណាសល់អ្នកជំនួញជនជាតិអាមេរិកលោក John Textor ជាម្ចាស់ភាគហ៊ុននៅក្នុង Crystal Palace និងជាម្ចាស់ភាគច្រើននៃក្លឹបបារាំង Lyon ដែលមានលក្ខណៈសម្បត្តិគ្រប់គ្រាន់សម្រាប់ Europa League ផងដែរនៅរដូវក្រោយ។
យោងតាមច្បាប់នៃស្ថាប័នគ្រប់គ្រងកីឡាបាល់ទាត់របស់ទ្វីបអឺរ៉ុប បានចែងថា ក្លិបដែមានសហម្ចាស់ក្លិបតែមួយមិនអាចប្រកួតប្រជែងក្នុងការប្រកួតអឺរ៉ុបដូចគ្នាបានទេ ស្របពេញ Uefa រកឃើញថា Crystal និង Lyon មានម្ចាស់ក្លិបតែមួយ ដូច្នេះហើយ Uefa សម្រេចទម្លាក់ក្លឹប Crystal ឲ្យលេងទៅ Conference League តែម្ដង៕
