មន្ត្រីជាន់ខ្ពស់សេតវិមាន កាលពីថ្ងៃព្រហស្បតិ៍ បាននិយាយថា ប្រទេសប៉ាគីស្ថាន ដែលមានអាវុធនុយក្លេអ៊ែរកំពុងអភិវឌ្ឍសមត្ថភាពមីស៊ីលផ្លោងរយៈចម្ងាយឆ្ងាយវាយប្រហារគោលដៅឥតខ្ចោះពីអាស៊ីខាងត្បូង អាចជាការគំរាមកំហែង ចំពោះសហរដ្ឋអាមេរិក។
ទីប្រឹក្សាសន្តិសុខជាតិរង លោក Jon Finer បានគូសបញ្ជាក់ថាតើទំនាក់ទំនងជិតស្និទ្ធរវាងទីក្រុងវ៉ាស៊ីនតោន និងទីក្រុងអ៊ីស្លាម៉ាបាដ ដែលធ្លាក់ចុះចាប់តាំងពីឆ្នាំ ២០២១ មក អាចដោយសារតែការដកទ័ពអាមេរិកចេញពីអាហ្វហ្គានីស្ថាន ឬយ៉ាងណា។
លោក បានបន្ថែមថាតើប៉ាគីស្ថានផ្លាស់ប្តូរគោលបំណងនៃកម្មវិធីអាវុធនុយក្លេអ៊ែរ និងមីស៊ីលផ្លោង ដែលមានបំណងចង់ទប់ទល់នឹងប្រទេសឥណ្ឌា ដែរឬទេ។
ថ្លែងទៅកាន់ Carnegie Endowment for International Peace លោក Finer បានលើកឡើងថា ប្រទេសប៉ាគីស្ថាន បន្តបច្ចេកវិទ្យាមីស៊ីលកាន់តែទំនើប ចាប់ពីប្រព័ន្ធមីស៊ីលផ្លោងរយៈចម្ងាយឆ្ងាយ រហូតដល់ឧបករណ៍ ដែលអាចឱ្យមានការសាកល្បងម៉ាស៊ីនរ៉ុក្កែតធំជាងនេះ។
លោក Finer បន្តថា ប៉ាគីស្ថាន នឹងមានសមត្ថភាពវាយប្រហារគោលដៅបានយ៉ាងល្អនៅអាស៊ីខាងត្បូង រួមទាំងនៅសហរដ្ឋអាមេរិកផងដែរ ។
គួរបញ្ជាក់ថា សុន្ទរកថារបស់លោក បានធ្វើឡើងមួយថ្ងៃបន្ទាប់ពីទីក្រុងវ៉ាស៊ីនតោន ប្រកាសដាក់ទណ្ឌកម្មថ្មីទាក់ទងនឹងកម្មវិធីអភិវឌ្ឍន៍មីស៊ីលផ្លោងរបស់ប្រទេសប៉ាគីស្ថាន រួមទាំងជាលើកដំបូងប្រឆាំងនឹងទីភ្នាក់ងារការពាររដ្ឋដែលគ្រប់គ្រងកម្មវិធី ៕
ដោយ៖ ពេជ្រ
