ព្រឹទ្ធសភាសហរដ្ឋអាមេរិក ដែលជាសភាជាន់ខ្ពស់នៃសភាអាមេរិក បានអនុម័តលើការចំណាយយោធា សម្រាប់ឆ្នាំសារពើពន្ធ ២០២៦ ក្នុងចំនួនទឹកប្រាក់ ៩២៥ពាន់លានដុល្លារ រួមទាំងជំនួយចំនួន ៥០០ លានដុល្លារដល់អ៊ុយក្រែន។
ច្បាប់នេះ បានអនុម័តដោយសំឡេងគាំទ្រ ៧៧ សំឡេង និង ២០ សំឡេងប្រឆាំង។ យ៉ាងហោចណាស់ ៦០ សំឡេង អាចយកជាការក្នុងការអនុម័តច្បាប់នេះ។
យោងតាមឯកសារដែលចេញផ្សាយដោយគណៈកម្មាធិការសេវាកម្មប្រដាប់អាវុធរបស់ព្រឹទ្ធសភាអាមេរិក អះអាងថា កញ្ចប់នេះបានពង្រីកគំនិតផ្តួចផ្តើមជំនួយសន្តិសុខអ៊ុយក្រែន (USAI) រហូតដល់ឆ្នាំ ២០២៨ និងពង្រីកការផ្តល់មូលនិធិសម្រាប់កម្មវិធីនេះដល់ ៥០០ លានដុល្លារ។ USAI អនុញ្ញាតឱ្យមន្ទីរបញ្ចកោណ ធ្វើកិច្ចសន្យាជាមួយក្រុមហ៊ុនផលិត ជាជាងផ្តល់ឧបករណ៍ និងធនធានដោយផ្ទាល់ពីឃ្លាំងអាវុធអាមេរិក។
ទន្ទឹមនោះ កាលពីខែកញ្ញា សភាតំណាងរាស្រ្តអាមេរិក ដែលជាសភាជាន់ទាបរបស់សភាអាមេរិក ធ្លាប់បានអនុម័តច្បាប់ចំណាយលើវិស័យយោធារបស់សហរដ្ឋអាមេរិកសម្រាប់ឆ្នាំសារពើពន្ធ ២០២៦ ដែលមានចំនួនតែជិត ៩០០ ពាន់លានដុល្លារ រួមទាំងជំនួយចំនួន ៤០០ លានដុល្លារដល់អ៊ុយក្រែន ប៉ុណ្ណោះ៕
ដោយ៖ ពេជ្រ
