រដ្ឋមន្ត្រីក្រសួងការពារជាតិលោក Pete Hegseth បានប្រាប់ក្នុងអំឡុងកិច្ចប្រជុំជាមួយមេបញ្ជាការយោធាជាន់ខ្ពស់ថា សហរដ្ឋអាមេរិក ត្រូវតែត្រៀមខ្លួនសម្រាប់សង្គ្រាម។ លោក បានហៅវាថាជាបញ្ហាបន្ទាន់បំផុត ប៉ុន្តែមិនបញ្ជាក់ថាមានភាពតានតឹងជាមួយប្រទេសណានោះទេ។
ថ្មីៗនេះ មន្ទីរបញ្ចកោណ បានបញ្ចប់ការពិនិត្យឡើងវិញនូវគោលនយោបាយធំៗចំនួនពីរ ដែលមួយក្នុងនោះគឺជាយុទ្ធសាស្ត្រការពារជាតិថ្មី ដែលផ្លាស់ប្តូរអាទិភាពពីប្រទេសចិនទៅសន្តិសុខមាតុភូមិ និងអឌ្ឍគោលខាងលិច។
លោក Hegseth បានប្រាប់ឧត្តមសេនីយអាមេរិក និងឧត្តមនាវីរាប់រយនាក់នៅឯមូលដ្ឋានកងម៉ារីនក្នុងទីក្រុង Quantico រដ្ឋ Virginia ថា ដើម្បីធានាសន្តិភាព យើងត្រូវតែរៀបចំត្រៀមសម្រាប់សង្រ្គាម។ លោក ក៏បានអះអាងថា ស្ថានភាពបច្ចុប្បន្នគឺហាក់ដូចជាគ្រោះថ្នាក់។
យោងតាមរដ្ឋមន្ត្រីការពារជាតិរូបនេះ បានកត់សម្គាល់ថា យោធាអាមេរិក ត្រូវការទ័ព អាវុធ និងគ្រាប់រំសេវបន្ថែមទៀត។ លោកបានថ្លែងដោយលើកឡើងពីការគំរាមកំហែងដែលកំពុងកើនឡើងថា នេះជាពេលវេលានៃភាពបន្ទាន់ដែលត្រូវត្រៀមខ្លួន។
លោកHegseth មិនបានបញ្ចេញផែនការ និងប្រទេសដែលអាមេរិក កត់ក្នុងបញ្ជីខ្មៅនោះទេ។ ប៉ុន្តែលោក បានប្រកាសពីច្បាប់ដែលនឹងអនុញ្ញាតឱ្យយោធាអាមេរិក ព្រមាន គំរាម វាយប្រហារ និងសម្លាប់សត្រូវ៕
ដោយ៖ ពេជ្រ
