ជំនួប The Classic Match ក្នុងសប្ដាហ៍ទី២ នៃលីគកំពូលកម្ពុជា រវាង បឹងកេត និង ភ្នំពេញក្រោន នឹងធ្វើឡើងនៅវេលាម៉ោង ៦ ល្ងាចថ្ងៃអាទិត្យ ទី១៧ ខែសីហា ឆ្នាំ ២០២៥ នៅពហុកីឡដ្ឋានជាតិអូឡាំពិក ។
សម្រាប់ប្រវត្តិជួបគ្នា ១៧ លើក គឺភ្នំពេញក្រោន ទទួលបានជ័យជម្នះច្រើនជាង គឺឈ្នះ ១១ លើក ខណៈ បឹងកេត ឈ្នះ ៣ លើក ហើយស្មើគ្នា ៣ លើក។ អ្វីគួរឲ្យកត់សំគាល់ បឹងកេត បានបំបែកកំណត់ត្រាអាក្រក់របស់ខ្លួនជាយូរមកហើយដោយបានយកឈ្នះក្នុងលទ្ធផល ៤-៣ សម្រាប់ការជួបគ្នាចុងក្រោយក្នុងលីគចុងរដូវកាលមុន។
សប្តាហ៍ទី១ ភ្នំពេញក្រោន មិនទាន់បានប្រកួតទេ ប៉ុន្តែអ្នកគាំទ្របានឃើញសមត្ថភាពហើយពេលយកឈ្នះយ៉ាងធំធេង ៦-០ លើក្រុមម្ចាស់ផ្ទះព្រុយណេ Kasuka។ ចំណែក បឹងកេត វិញ អ្នកគាំទ្រក៏មិនទាន់បានឃើញដិតដល់ដែរនៅពេលបានឈ្នះ ២-០ លើក្រុម ឡាយហ្វ ខេត្តព្រះសីហនុ ៕
