មេដឹកនាំកំពូលអ៊ីរ៉ង់ បាននិយាយថា សហរដ្ឋអាមេរិក មិនទទួលបានសមិទ្ធផលអ្វី ពីការវាយប្រហារលើរោងចក្រនុយក្លេអ៊ែររបស់ក្រុងតេហេរ៉ង់ នោះទេ ។
ការលើកឡើងខាងលើនេះ នៅក្នុងសុន្ទរកថាសាធារណៈលើកដំបូងមេដឹកនាំរូបនេះ ចាប់តាំងពីបទឈប់បាញ់ជាមួយអ៊ីស្រាអែល ត្រូវបានប្រកាស កាលពីថ្ងៃអង្គារ។
លោក Ayatollah Ali Khamenei បានកត់សម្គាល់ថា ការវាយប្រហាររបស់អាមេរិក មិនសម្រេចបានដូចបំណងទេ ក្នុងការរំខានដល់កម្មវិធីនុយក្លេអ៊ែរអ៊ីរ៉ង់។
ទន្ទឹមនោះ លោក បានពណ៌នាការសងសឹកប្រឆាំងនឹងមូលដ្ឋានទ័ពអាកាសអាមេរិកក្នុងប្រទេសកាតាថា ជាការដោះស្រាយ ទប់ទល់នឹងការវាយប្រហារយ៉ាងធ្ងន់ធ្ងរ។
លោក បានបន្ថែមថា ក្រុងវ៉ាស៊ីនតោន ហាក់ទទួលបានការខកចិត្តដោយរំពឹងថា ការវាយប្រហារនេះនឹងធ្វើឱ្យខូចដល់មហិច្ឆតានុយក្លេអ៊ែរអ៊ីរ៉ង់ យ៉ាងធ្ងន់ធ្ងរ។
ទោះជាយ៉ាងណា លោកប្រធានាធិបតី ដូណាល់ ត្រាំ ក៏បានបញ្ជាក់ថា ការវាយប្រហារនាពេលកន្លងទៅដោយអាមេរិក លើអ៊ីរ៉ង់ មិនប៉ះពាល់ដល់កម្មវិធីនុយក្លេអ៊ែរពួកគេនោះទេ ៕
ដោយ៖ ពេជ្រ
